Parody Part 2 “Muncung Inga Snoet”
KHAZANAHNEWS.COM**Tengahari bedengkang awal tahun 2026, Ameng kesayangan maknyo, ngedek-ngedek datang ke kantor pwi padang harapan. Tangannyo jinjing kresek atau kantong asoy nang ado isinyo? Inga snoet ke tobo pwi lagi ngota di kantor pwi, tobo ko kini banyak nongkrong di pwi kurang bekeliaran sejak ado efisiensi. “Assalamualaikum” kecek Ameng sambil nyengir kudo, mato toboko langsung nancap ke kantong asoy nang Ameng baok.
“Waalaikum salam”jawab kuli tinta serempak. “Kona makan kurma, kismis ke kacang mekah,” kato Ameng sambil narok di ate meja. Cik guy langsung bukak narok di piring. Wak hasan langsung jingkau ngambik kurma se incek disusul tobo-tobo ko. Muncung toboko kunyak kanyik ngunyah kurma, kismis ke kacang mekah nang renyah gurih. Sambil makan inga snoet nanyo ke ameng, beli apo gaek balik maren meng. Dijawab ameng banyak yuk, rubo-rubo mekah ko, gelang ke baju cucung-cucung gaek banyak tu.
Inga snoet tekejut, maso masih sempat gaek tu belanjo sebanyak itu, ” iyo yuk” kecek ameng. Cucung gaek dibelikannyo galo baju dari mekah. “Hebat emak kau meng, masih mikirkan cucung banyak tu waktu ke mekah,” kecek inga snoet sambil ngunyah kismis. Cik guy nang sudah mijak tanah suci beberapo tahun lalu nanyo lagi, “mano air zamzam” jawab ameng “abis yuk sanak gaek dari dusun rami nian datang maren jelawat gaek balik,”. Crito ngalor ngidul sampailah ke cerito, karma bagi jemaah haji atau umroh di tanah suci atau tanah haram mekah al mukaromah.
Cik guy bukak cerito waktu umroh ado anggota rombongannyo nang sakit saat berangkek, tibo-tibo sampai di mekah sehat wal afiat. Belum pue itu diungkap cik guy lagi, ado jemaah idak bisa nengok ka’,bah padahal sudah dimuko ka’bah. Pue jemaah tu ngucek matonyo ka’bah idak tampak jugo. Usut punyo usut ruponyo jemaah tu di indonesia seorang rentenir atau suko membungokan piti. Pokok e banyak nian cerito-cerito keajaiban Allah terhadap jemaah “karma perbuatan jemaah di negeri asalnyo dapek balasan kontan di mekah,” kato abraham nang malu-malu ngambik kurma di meja muko cik guy.
Tobo-tobo kuli tinta tu tediam galo, dalam hati inga snoet ingek doso maso lalu nang pernah dibuek, dalam ati mohon ampun ke Allah SWT. “Kamorang galo kalu ado rezeki, paila umroh,”kecek ameng. “Badan masih kuek kola kalu dak pai, kalu haji lamo nunggu puluhan tahun, idak haji umroh jadila,” inga snoet tediam merenung dan bebisik dalam ati, ingek la beberapo kali diajak belum tegerak jugo, padahal rezeki ado?. “Eloknyo sebelum berangkek tobat dulu jangan sampai jadi haji tomat, pai tobat balik kumat,” kato iksan Abraham serempak tobo kuli tinta tu tekikik kencang hahaha***
